<<Եթե բոլոր հայերը երեկոյան որոշեն մեռնել,
լուսաբացին՝ մինչև արևի ծագելը, ազատ կլինեն>>
Գևորգ Չաուշ
Մարդ ծնում է քո մարմինը, հայրենիքը՝ քո մարդկային քաղաքացիական հոգին։ Հայրենիքից ավելի թանկ բան չկա։ Իսկական մարդը հայրենիքի երջանկության, վեհության, անկախության համար առանց տատանվելու զոհաբերում է իր կյանքը, որովհետև կյանքը, առանց հայրենիքի երջանկության, վեհության, անկախության, ոչ միայն վիշտ է, այլև անպատվության։
Հայաստանը առանց ինձ կարող է ապրել, իսկ ես առանց հայաստանի ոչինչ եմ։
Եվ այս վեհ գաղափարը պետք է դառնա անձնական ձգտում, իդեալ, որը ոգեշնչելով մարդուն, նրա առջև կհայտնագործի նրա սեփական գեղեցկությունը։
Մարդու կողմից հայրենիքի ճանաչումը, նրա հոգում հայրենասիրության ձևավորումը, հայրենասերի հոգևոր հարուստ, անձնազոհ կյանքը սկիզբն է վեհի, վսեմի աշխարհում։
Հայ ժողովուրդը օրհասի տարիներին հերոսական վճռականությամբ տեր կանգնեց իր անտեր հայրենիքին և իր անվարժ ու թույլ ձեռքով, բայց անվեհեր հոգով կարողացավ ավերակների և սովի միջից նոր Հայաստան ստեղծել։ Այս բախտորոշ և գերագույն վճռականության տոնն է Մայիսի 28-ը և հայ ազգային-ազգագրական պայքարի կոթողը։
Հարգանք հայ ժողովրդին, փառք հայոց բանակին և նրա անձնվեր զինվորներին ու սպաներին։
Դպրոցում ավարտվել են դասերը, սկսվել են ամառային արձակուրդները։ Ինչո՞վ զբաղվի երեխան։
ՄԵՆՔ ՁԵԶ ԿՕԳՆԵՆՔ
<<Բլում>> ուսումնական կենտրոնում գործում է ամառային դպրոց։ Ամառային դպրոցի ծրագիրն իր մեջ ներառում է ուսուցում, զարգացման խաղեր, էքսկուրսիա, սպորտային խաղեր, մրցույթներ։ Մենք ապահովում ենք երեխաների հաճելի ժամանցը և ամենահաճելին՝ ժպիտը։
Ամառային դպրոցը նոր բացահայտումների , նոր զգացողությունների, ծանոթությունների, հանդիպումների վայր է։ Մեզ մոտ այնքան համերաշխություն, հոգատարություն, ուշադրություն կա, որը չեզոքացնում է յուրաքանչյուր դժվարություն։
Ամառային դպրոցը հանգստի տեսակ է, ուր հաճախելով երեխաները ունենում են անմոռանալի օրեր, հնարավորություն են ստանում ձեռք բերել ինքնուրույնություն, դառնալ ավելի ճանաչողական։ Մեր նպատակն է երեխաներին օգնել զարգացնել ինքնուրույն մտածողություն, ճանաչողական ունակություններ։ Երեխաներին ծանոթացվում է տարբեր արտակարգ իրավիճակներին։ Կազմակերպվում են հատուկ պարապմունքներ երեխաների անվտանգ վարքագիծ մշակելու, խաղերի միջոցով զարգացնել խոսքը` կառուցել քերականորեն ճիշտ, արտահայտիչ և բովանդակալից։
Երեխաները մեզ մոտ ապրում են իմացության բերկրանք՝ աշխատանքի, բնության, գեղեցիկի հանդեպ, ուրիշների և իր հաջողությունների համար տագնապի և հպարտության զգացմունքները։
Ամառային դպրոցում օրն ավելի գրավիչ և իրենց հնարավորություններին ու սովորելու ոճին հարմար դարձնելու համար, մենք գտել ենք գիտելիքների յուրացման բանալին։ Շատ հաճախ կազմակերպվում է մրցույթներ նաև հանելուկների և առակների միջոցով։
Հանելուկները իբրև իմաստության և իմացությունների բացահայտման միջոց է։ Հանելուկների պատասխանների կռահումն օժանդակելով երեխաների կողմից գիտելիքների ձեռք բերմանը՝ միաժամանակ հանդես է գալիս զվարճալի ժամանց և երեխային վստահություն ներշնչում սեփական ուժերի նկատմամբ։
Երեխաներին ծանոթացվում է նաև առակներին, որի նպատակն է՝ բնական ու կենցաղի իմացությունը մղել դեպի բարոյական սկզբունքների ճանաչում։ Առակները նպաստում են երեխաների մեջ մտքի սրության և այլաբանության զգացողության ձևավորելու միջոցով հասնել կյանքի ճանաչողությանը։
Փորձում ենք ապահովել երջանիկ և ներդաշնակ կենցաղ, և որ երեխաները այստեղից իրենց հետ կյանք տանեն բարության, գեղեցկության, ուրախության և սիրո առաջին սերմերը։
Եվ, որ բոլորը պարտավոր են անվտանգ ու ապահով դարձնել մեր երեխաների մանկությունը և նրանց դաստիարակել որպես նոր՝ անվտանգ աշխարհի կառուցողներ։
