Էքսկուրսիա դեպի գրադարան
Երեխաների բառապաշարի հարստացման գործում կարևոր նշանակություն ունի էքսկուրսիաների կազմակերպումը գրադարաններ։ Հայոց լեզուն համաշխարհային լեզվակարգում աչքի է ընկնում իր հարուստ բառապաշարով, ճկունությամբ և բառապաշարի բազմազանությամբ։
Երեխաները պետք է ընկալեն մեր լեզվի հնարավորությունը, ճոխությունը, արտահայտչականությունը, ճկունությունը, գեղեցկությունը, հարուստ բառապաշարը։ Նրանց մեջ պետք է արթնացնել հետաքրքրասիրություն, ինքնուրույնություն, գեղեցիկը զգալու ճաշակ և կարողություն։
Գիտության մեջ հարթ ու հեշտ ճանապարհ չկա, և միայն նա կարող է հասնել դրա շողշողուն գագաթներին, ով չվախենալով հոգնածությունից, մագլցում է նրա քարքարոտ շավիղներով։
Մեզ մոտ արդեն դարձել է ավանդույթ՝ հաճախ ենք այցելում գրադարան։ Այցելության նպատակը գրքի, գրողի, ընթերցանության, տպարանից մինչև գրադարանի գրապահոցներն ու պահարաններն անցնող գրքի՝ երկար, համառություն, աշխատանք պահանջող ճանապարհի հետ ծանոթությունն է։ Այս էքսկուրսիաները հետապնդում են նաև մեկ նպատակ՝ արժևորել գիրքը։
Այս անգամ հետաքրքիրը Արթուրի ընտրած հեքիաթների գիրքն էր։ Նա դպրոց չի հաճախում, բայց մեր սանն է և արդեն սովորել է Մեսրոպյան ոսկեգեղմիկ մայրենին։ Տեսնել էր պետք Արթուրի զարմանքը և հետաքրքրությունը գրքերի այդ հրաշք աշխարհում։ Նա և Նադեժդան գրքի մասին սովորել էին բանաստեղծություն և արտասանեցին աշխատակիցների և ընկերների համար։
ԳԻՐՔԸ
Տպարանում շարում են,
Ու խնամքով կարում են,
Մտնում է նա գրատուն,
Այնտեղից էլ ամեն տուն։
Գիրքը՝ հրաշք բանալի,
Մեր բարեկամն է բարի,
Մտքերով լի մի գիտուն,
Որին բոլորն են սիրում։
Ով գիրք սիրի կյանքում նա
Շա՜տ-շա՜տ բաներ կիմանա։
Համոզված ենք, որ այս էքսկուրսիաները շատ կարևոր դեր են խաղալու երեխաների կյանքում
