Տոներ, զվարճություններ, միջոցառումներ
Երեխաների կրթադաստիարակչական աշխատանքում իր ուրույն տեղն է գրավում զանազան գրավիչ ժամանցները, մարզական զվարճությունները, տոների կազմակերպումը, որոնցով նախատեսվում է դաստիարակել մարդասիրական վերաբերմունք, զարգացնել սեր դեպի բնությունը, կարեկցանքի, հոգատարության, մերժողական վերաբերմունք՝ անտարբերության, անազնվության, ժլատության նկատմամբ։
Մեզ մոտ հաճախ ենք կազմակերպում միջոցառումներ, քանի որ դրանք թերևս առավել կարևոր են, քան հարյուրավոր դասաժամեր։ Միջոցառումների միջոցով է, որ երեխաները ավելի մոտիկից են ծանոթանում մեր ոսկեղենիկ լեզվին ու ճոխ գրականությանը՝ սիրելով ու պաշտելով և՛ մայրենին, և՛ բիբլիական մեր ժողովրդին, նրա մշակույթը։ Ուսումնական կենտրոնում անցկացվող յուրաքանչյուր միջոցառում, տոնահանդես, վիկտորինա, մարզական խաղ, իր ուրույն հետքն է թողնում երեխայի հիշողության ու երևակայության վրա, նպաստում անձի ձևավորմանը։
Մեզ մոտ նշում ենք բոլոր երեխաների ծննդյան տարեդարձը, որը մեր փոքրիկ, մանկական կոլեկտիվում համերաշխության, հարգանքի և մեծարման արարողություն է։
